"Vanoet het verre Argentinië ziên Maxi-mama en Wietweg-Wullum op het vleegveld Schiphorst beland. Ok Flits Tony oet Amerika is vaan de parteej. Ma waor is ozze broedegom Mara-Donald?

As heej mar oppe tied is vur de finale vaan ‘t Internationale Wittenhôrs toernooi. Dao stiêt Drika in de kantine al klaor um iederiën vaan 'n gleske drinke te vurzeen.

Camma-Bertje is druk bezig um de velde in orde te make en Loempia-Lei is âs speuler van Oranje druk bezig met ‘t veurbereide vaan zien finale-wedstrijd taege Argentinië.

Broed Greetje wacht rustig en geduldig op eurre verloefde. Is eurre Mara-Donald nag oppe tied vur de finale? Ok Pastoer Paëlle is druk in de weer rond um de trouwereej en de wedstrijd.”

Beneejd hoe dit giët afloepe? Kom daan vanaf 14.11 oor kieke op carnavalszaoterdaag 13 fibberewari in de Letste Geulde!