Zondaag 13 november, Dreumel Alaaf: d’n daag daat ozze neeje ceremoniemeister werd veurgesteld aan ’t Horster publiek. Nao veer fantastische jaore haet Chris Winkelmolen ’t spraekwoordelijke stökske, in dit geval de bel, aovergenaome vaan aftredend ceremoniemeister Ron (Vervoort).

Chris is de zoën ván Annie en Chris ‘senior’ Winkelmolen (ge wet wal, Dinges) en is 20 jaor ált. Same mit aldere breurs Teun en Matti en jongere zuske Lieke woëne ze op de Wevertwaeg. Beej familie Winkelmolen wiëte ze waat Carnaval viere is, dus dao hove weej os zeker gen zurg aover te make.

Chris studeert aan de Fontys hoëgeschoël in Eindhoven en deut dao HBO ICT. Boete studere, voetbalt heej al jaore en haet ie de ganse jeugdopleiding vaan Wittenhorst mit verve doorstaon. Taegewoordig probeert ie zien kunste te vertoëne in ’t vieft ván Wittenhorst. Ás beejbaantje zurgt Chris d’r vur daat ás ge in ’t parkhotel aovernacht of ’n hapje gaot aete, ge ok enne schonnen bord vur de neus kriegt.

Chris: names Jeugdcarnavalvereniging D’n Dreumel wille weej ow hiel veul succes, ma vurál veul plezeer wense mit de aanstelling ás neeje Ceremoniemeister!